yene bir dölet qatargha qarshi septin orun aldi
qatar bilen diplomatik munasiwetlirini üzgen döletler sépige mawritaniye islam jumhuriyitimu qoshuldi.
türkiye awazi radiyosi xewiri: mawritaniye resmiy xewer agéntliqi – a.m.i, qatar mewjut siyasetlirini dawamlashturushta ching turghanliqi üchün, mawritaniyening diplomatik munasiwetlerni toxtatqanliqini xewer qildi.
mawritaniye tashqi ishlar ministirliqi bayanat bérip, mawritaniye islam jumhuriyitining ereb menpeetlirini qoghdash jehette herdaim küchlük pozitsiye bildürüp kéliwatqanliqini tekitlidi we qatarning ereblerning ortaq pirinsiplirigha qarshi chiqqanliqini؛ ereb elliride qalaymiqanchiliq we xatirjemsizlik yaritishqa urunghanliqini shundaqla insaniy kirizislerning bash kötürüshige seweb bolghanliqini ilgiri sürdi.
seudi erebistan, misir, behreyn, ereb birleshme xelipiliki, yemen, liwiye we moldawiye aldinqi küni qatar bilen bolghan pütkül diplomatik munasiwetlirini toxtatqan shundaqla qatargha qarita déngiz we hawa chégralirini taqiwetkenidi.
qatarliq diplomatlarning döletlerdin chiqip kétishi üchün 48 saet؛ qatar puqraliri üchün 14 kün möhlet bérilgen, qatarning seudi erebistan bashchiliqidiki husiylargha qarshi yemende teshkilligen xelqara birleshmidiki roligha xatime bérilgenliki bildürülgenidi.
bu jeryanda iyordaniye, qatar bilen diplomatik munasiwetlirining derijisini töwenlitish we eljezire qanilining dölet tewelikidiki ishxanilirini taqiwétishni qarar qildi.
marakesh xan jemeti awiyatsiye shirkitimu qatar bilen diplomatik munasiwetlirini üzgen döletlerge doha arqiliq baridighan ayropilan seperlirini toxtatti.
