tramp watikanda papa bilen körüshti
pirézidént tramp tunji chet el ziyaritining üchinchi békiti bolghan italiyege yétip kélip, watikan pirézidénti papa franjis bilen körüshti.
türkiye awazi radiyosi xewiri: tramp italiyege yétip kelgendin kéyin, deslepte katoliklarning rohaniy rehbiri we watikan pirézidénti papa franjis bilen ayrim körüshti. körüshüsh texminen yérim saet dawamlashti we özara kélishelmigen mesililerni muzakire qildi.
pirézidént trampning saylam seperwerlik paaliyetliride bir-birige qarshi élan qilishqan bayanatlar sewebidin bu qétimqi ziyaretni emelge ashurush üchün chong küch serp qilghanliqi qeyt qilinmaqta.
tramp watikandiki ziyaritidin kéyin, italiye pirézidénti we bash ministiri bilen körüshidu. kech saetlerde bélgiye paytexti biryussélda échilidighan nato (shimaliy atlantik ehdi teshkilati) aliy derijilikler yighinigha qatnishish üchün yolgha chiqidu. u nato yighinini axirlashturup G7 yighinigha qatnishish üchün yene bir qétim italiyege kélidu.
