misir armiyesi yene ikki tonélni buzup tashlidi
misir armiyesi shimaliy sina wilayitining ghezze chégrasidiki ikki tonélni buzup tashlidi.
türkiye awazi radiyosi xewiri: misir armiye bayanatchisi polkownik tamir errifai yazma bayanat élan qilip, ikkinchi qisimgha qarashliq eskerlerning shimaliy sina chégrasidiki adem we mehsulat etkeschilikide ishlitiliwatqanliqi éniqlanghan ikki tonélni buzuwetkenlikini uqturdi.
bayanatchi errifai, tonéllardin 20 dane yéqilghu tongi bilen partlatquch yasashta ishlitilidighan 10 xalta xam maddiningmu qolgha chüshürülgenlikini sözlirige ilawe qildi.
resmiy sanliq melumatlargha asaslanghanda, bular bilen qoshulup ghezze chégrasida yanwar éyidin buyan buzuwétilgen tonéllarning sani 27 ge yetken.
misirda 2013 – yili 3 – iyulda meydangha kelgen herbiy – siyasiy özgirish sayisida seltenetni qoligha alghan herbiy hakimiyet, pelestinliklerning hayatliq menbesi déyishke bolidighan tonéllarning köp qismini buzuwetken, hetta ghezze chégrasigha chong turubilarni yatquzup, tonéllarni déngiz süyi bilen toldurghanidi.
