amérika, trampning mexpiy uchurlarni lawrow bilen ortaqlashqanliqi toghrisidiki dewalarni ret qildi
amérika qoshma ishtatliri pirézidénti donald trampning «mexpiy höjjetlerni rusiye bilen ortaqlashqanliqi» toghrisidiki dewalar ret qilindi.
türkiye awazi radiyosi xewiri: rusiye tashqi ishlar ministiri sérgéy lawrow bilen amérika pirézidénti donald trampning charshenbe küni washingtonda ötküzgen uchrishishi toghrisida amérika taratqulirida her xil dewalar orun aldi؛ washington pochtisi gézitide élan qilinghan bir xewerde, trampning lawrow bilen bezi <qetiy mexpiy> uchurlarni ortaqlashqanliqi ilgiri sürüldi.
amérika tashqi ishlar ministiri réks tillérson bilen dölet xewpsizlik ishliri meslihetchisi xérbért r.makmastér bu dewalarni ret qildi؛ tillérson, «pirézidént tramp bilen lawrow arisidiki uchrishishta, térrorizmgha qarshi ortaq küresh we bu dairidiki bir qatar mesililer muzakire qilindi, biraq menbeler, herbiy heriketler we métodlar toghrisida söz bolmidi» dédi.
makmastérmu mezkur dewalarni qetiy ret qilip, «menmu u yerde idim we bundaq bir ish bolmidi» dégenlerni qeyt qildi.
