isirailiye shimaldiki liwan chégrasigha tam salmaqchi
isirailiye armiyesi liwandiki «hizbullah tehditi» ge qarshi shimaldiki chégrasigha bir qanche kilométir uzunluqta yéngi bixeterlik témi soqidu.
türkiye awazi radiyosi xewiri: isirailiye «xaréytiz géziti» ning bir xewiride, 2010-yili misir chégrasigha sélinghan égizliki sekkiz métir kélidighan tamgha oxshash qilip, alte métir égizlikte liwan chégrasigha tam sélinidighanliqi bildürüldi.
gézitning xewiride, isirailiyening liwan chégrasigha yéqin rasul naqura rayonigha salidighan bixeterlik témining qanchilik uzunluqta bolidighanliqi toghrisida héchqandaq melumat bérilmidi, biraq texminen 28 milyon dollar chiqim qilinidighanliqi eskertildi.
isirailiye xewpsizlik tarmaqliri bundin ikki hepte ilgiri isirailiyege muweppeqiyetlik halda mexpiy kirgen bir liwanliqni tutqandin kéyin, liwangha qayturuwetken idi. isirailiye 2011-yili süriyede ichki urush partlighandin tartip, süriye bilen golan égizlikidin chégra tewelikige rakétamiyot étilghanliqini ilgiri sürüp, iranning qollishi astidiki hizbullah küchliri we süriye beshshar esed hakimiyitining herbiy nuqtilirini bombardiman qilip kelgen idi.
20-aprél isirailiyening yéqinqi künlerde liwan chégrasida bixeterlik tedbirlirini kücheytish meqsitide bashlighan tam qurulushliri yerlik we xelqaraliq tartqularda tarqitilghan idi.
isirailiye bilen liwan chégrasida ména kömülgen rayon bar bolup, isirailiye teripidiki ména kömülgen jaylar her xil apparatlar bilen közitilidu we éléktir simi tartilghan. liwan teripi bolsa, peqet kona tikenlik sim bilen qoghdilidu.
