türkesh: xitay – türkiye istiratégiyelik hemkarliqi közge körünerlik derijide kücheydi
muawin bash ministir tughrul türkesh xitay – türkiye istiratégiyelik hemkarliq munasiwetlirining közge körünerlik derijide kücheygenlikini éytti.
türkiye awazi radiyosi xewiri: türkesh paytext enqerede ötküzülgen 2 – nöwetlik xitay tetqiqatliri yighinida sözligen nutiqida, türkiye bilen xitayning tarixtin kelgen küchlük dostluq rishtiliri, uzungha sozulghan siyasiy we medeniyet munasiwetlirige ige ikenlikini, xitay bilen bolghan munasiwetlerge uzaq mezgillik penjiridin nezer tashlawatqanliqlirini tekitlidi.
yéqindin buyan türkiye – xitay otturisida diplomatik sahede nahayti jiddiy qedemlerning tashliniwatqanliqini eskertken türkesh, ikki dölet otturisidiki istiratégiyelik hemkarliq munasiwetlirining közge körünerlik derijide kücheygenlikini qeyt qildi.
ilgirikimu xitay bilen resmiy uchrishishlarning élip bérilghanliqini tekitligen türkesh, ikki dölet otturisida her sewiyede uchrishishlarning izchil dawamlashqanliqini, ikki terep otturisidiki barghanséri köpiyiwatqan ziyaretlerning iqtisadiy we soda hemkarliqining tereqqiy qilishigha zémin hazirlap bergenlikini eskertti.
u yene, jumhur reis rejep tayyip erdoghanning 14 – may küni xitaygha qilidighan ziyaritining ikki döletke nisbeten muhim purset ikenlikinimu sözlirige ilawe qildi.
