«türkiyening weziyiti muqim bolmisa pütkül yawropa chong palaketke duch kélidu»
wéngriye bash ministiri wiktor orban türkiyede muqimliqni ishqa ashurghuchilarni qollash lazimliqini tekitlep, «türkiyening weziyiti muqim bolmisa pat yéqinda pütkül yawropa chong palaketke duch kélidu» dédi.
721469
türkiye awazi radiyosi xewiri: orban yawropa parlaménti omumiy kéngishidiki nutiqidin kéyin ötküzgen axbarat élan qilish yighinida muxbirlarning soallirigha jawab bergende, türkiyede 16 – aprél küni ötküzülgen asasiy qanunni özgertish référandumidiki ghelibisi munasiwiti bilen jumhur reis erdoghanni tebrikligenlikini, türkiyening muqimliqining yawropa üchün nahayti zor ehmiyetke ige ikenlikini eskertti hemde yawropaning hazirqi eng muhim xizmitining türkiyeni muqimsizlashturush bolmasliqini tekitlep mundaq dédi: «chünki türkiyening weziyiti muqim bolmighanda, pütkül rayonni balayiapet qaplap kétidu, jümlidin hemmimiz nahayti chong palaketke duch kélimiz, shunga erdoghanning muqim siyasiy hayat shekillendürüsh istiratégiyesini qollaymen.»
