mawzédongchi kommunistlarning zorawanliqi ewj almaqta
hindistanda mawzédungchi kommunist isyanchilarning zorawanliqi barghanche kücheymekte.
türkiye awazi radiyosi xewiri: türkiyening ataqliq tor gézitliridin «haber7», hindistandiki mawzédungchi isyanchilarning zorawanliqining barghanséri éship bériwatqanliqini bildürdi. gézit bu heqte munularni xewer qildi.
hindistanning chattisgarli ölkisige qarashliq sukma shehiride tünügün (24–aprél) mawzédungchi kommunist isyanchilar bilen saqchilar otturisida qoralliq toqunush yüz berdi.
mawzédungchi kommunist qoralliq küchler charlash élip bériwatqan saqchi aptomobilini tuzaqqa chüshürüp, oqqa tutti.
yüz bergen toqunushta, deslepki melumatlargha köre, 24 saqchi hayatidin ayrilip, alte saqchi yaridar bolghan.
saqchi mesuli anan chabra bayanatida: «hazirghiche 24 saqchi hayatidin ayrildi» dédi.
ötken aylardimu mawzédungchi kommunist qoralliq küchler saqchilargha hujum qilghan we hujumda 12 saqchi hayatidin ayrilghan idi.
