nasa marsta yene bir muhim nersini bayqidi
amérika döletlik alem qatnishi we alem boshluqi téxnikisi bashqurush idarisi nasa marsta tokluq mtal atomlarni (iyonlar) bayqap chiqti.
türkiye awazi radiyosi xewiri: amérika döletlik alem qatnishi we alem boshluqi téxnikisi bashqurush idarisi nasa qizil pilanéta marsning yuqiri atmosférasidiki heriketlirini éniqlap chiqishta ishqa yaraydighan tokluq mtal atomlarni (iyonlar) bayqap chiqti.
mars atmosférasi we özgergen haletliri namliq alem kémisi, marsning orbétasigha 2013-yili séntebirde kirgen bolup, u kündin bashlap pilanétaning atmosférasini tebiiy gaz we iyon jisim spéktrométir üskünisidin paydilinip közitip kelmekte.
mars atmosférasi we özgergen haletliri namliq alem kémisi qizil pilanétaning atmosférasining üstün qismida zeretlik tömür, magnéy we natriy iyonlirining barliqini éniqlap chiqti.
nasaning goddard alem uchush merkizide wezipe ötewatqan joséf girébowksiy mars atmosférasi we özgergen haletliri namliq alem kémisining yer shari sirtidiki bir pilanétaning iyonésfériside tunji qétim métal iyonlarni tapqanliqini éytti.
métal iyonlirining uzun ömürlük bolidighanliqi, eslidiki yéridin shamal we toklar arqiliq yötkelgenliklirini éytqan joséf girébowksiy, marsning iyonésféridiki heriketlirini chüshinish üchün bu iyonlardin paydilinidighanliqini bildürüp mundaq dédi: «bashqa bir pilanéttiki métal iyonlarni közitish bizge dunya bilen sélishturush, bu pilanétaning iyonésféri bilen atmosféra qurulmisini téximu yaxshish chüshinish pursiti béridu.»
