amérikiliq bir emeldar, liwiyeni üchke parchilash teklipini otturigha qoydi
amérika pirézidénti donald trampning yardemchiliridin sébastian gorka, liwiyeni üchke parchilash teklipini otturigha qoydi.
türkiye awazi radiyosi xewiri: amérikiliq yuqiri derijilik bir emeldar taziliq qeghizige sizghan bir parche xeritini körsitip turup, liwiyeni osman impériyesi dewrdiki üch ayrim rayonning chégraliri boyiche parchilash teklipini otturigha qoydi.
engliyede chiqidighan «guardian» gézitining stéfané kirchagaésnér we julian borgér imzaliq xewirige qarighanda, amérika pirézidénti donald trampning yardemchiliridin sébastian gorka, yawropaliq diplomatlar bilen ötküzgen uchrishishida, bir taziliq qeghizige sizghan xeritini körsitip turup, liwiyeni üchke parchilash teklipini otturigha qoyghan.
pilangha asasen, trablus we tobruk déngizgha tutash trablusgherb we sirénayka isimlik ikki ayrim dölet bolidiken, chad chégrasigha yéqin fizan rayonida ayrim bir dölet qurulidiken.
trampning liwiye alahide wekili bolush üchün tirishiwatqan gorka, «ashqun islamgha qarshi» pikirliri bilen tonulghan biri.
liwiyede 2011 – yilidiki amérika himayisidiki mudaxilidin kéyin muemmer qeddafining aghdurulushi bilen küchiyip ketken toqunushlar hélihem dawam qilmaqta.
«guardian» ning soallirigha jawab bergen mutexessiler, liwiyeni üchke parchilashning rayonlar arisidiki néfit zapasliri yüzisidin chégra toqunushlarning piltisige ot yaqidighanliqini éytip agahlandurdi.
