«qatil esed qilmishlirining tégishlik jawabini aldi»
jumhur reis erdoghan amérikining süriyening shueyrat hawa armiyesi herbiy bazisigha qilghan bashqurulidighan bomba hujumi toghruluq toxtalghanda, «qatil beshshar esed tunji qétim insan qélipidin chiqqan qilmishlirining tégishlik jawabini aldi» dédi.
türkiye awazi radiyosi xewiri: erdoghan adana soda - sanaetchiler birleshmisi teripidin bir méhmansarayda ötküzülgen, «50 – yil sherep kéchiliki» de, karxanichilar we ammiwi teshkilatlar wekilliri bilen bir yerge jem bolghanda qilghan sözide, amérikining bashqurulidighan bomba hujumining yéterlik emeslikini, shunga buning choqum dawamlishishi lazimliqini tekitlep mundaq dédi: «chünki 1 milyongha yéqin insanni öltürgen bu qatil qilmishliri üchün bedel tölishi kérek, bolmisa süriye xelqige uwal bolidu. biz uzundin buyan süriye xelqining qanuniy jehettin siyasiy hakimiyitini tiklishi kéreklikini tekitlep kéliwatimiz, derweqe, hazir qilishqa tégishlik ishmu del mushu. nöwette biz bu heqte dawamliq uchrishishlarni élip bériwatimiz, munasiwetlik dairilirimizning hemmisi bu heqte dawamliq tirishchanliq körsetmekte, bizmu herqaysi ellerning rehberliri bilen körüshimiz hemde zimmimizge yüklengen burchimizni qilche ayanmastin ada qilimiz.»
süriyelik musapirlargha yardem qolini sunuwatqan türkiyening bu heqte 25 milyard dollar chiqim qilghanliqini eskertken erdoghan, mundaq dep körsetti: «yawropa ittipaqi iyul éyida <3 milyard yawro bérimiz> dep wede bergen idi, tolimu epsuski, wediside turmidi, peqet 725 milyon dollar berdi, hetta kéyinche yene 3 milyard yawro béridighanliqi toghruluq wede bergenidi, bumu quruq wede péti qaldi, chünki yawropa ellirining héchbiri durus emes, derweqe, ularning rohiy dunyasi bashqa.»
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
