tekshürüsh netijisi musulmanlar sanining süret bilen köpiyiwatqanliqini delillidi
merkizi amérikigha jaylashqan Pew shirkitining tekshürüshi, islamning dunyada eng téz kéngiyiwatqan din ikenlikini otturigha qoydi.
türkiye awazi radiyosi xewiri: Pew ning tekshürüsh netijisige qarighanda, 2060 – yiligha barghanda dunyadiki musulmanlarning sani xiristiyanlarning sanigha tengliship qalidiken.
2015 – yilliq istatistikiliq melumatlar boyiche, xiristiyanlar dunya nopusining %31 ini, musulmanlar bolsa, %24 ini teshkil qilidu.
Pew teripidin élan qilinghan sanliq melumatlar, 2060 – yilighiche musulmanlar sanining 3 milyardqa yétip, dunya nopusining %31.1 ini teshkil qilidighanliqini körsitip berdi. oxshash mezgilde xiristiyanlarning sani 3 milyard 100 milyongha yétip, dunya nopusining %31.8 ni teshkil qilidiken .
2060 – yiligha barghanda dunya nopusining 9 milyard 600 milyongha yétidighanliqini qeyt qilghan Pew, bu jeryanda dingha étiqad qilmaydighan insanlar nisbitining %16 din %12 ge töwenleydighanliqi, hindular bilen buddistlar sanining aziyidighanliqi toghrisidiki mölcherinimu dunya jamaetchiliki bilen ortaqlashti.
tekshürüshte, xiristiyan nopusining asta xaraktérlik köpiyishi ölüsh we tughulush nisbetlirini sélishturush arqiliq izahlandi.