shotlandiye birleshme xanliqtin ayrilip musteqilliq élan qilishining birinchi qedimini tashlidi
shotlandiye rayonluq hökümiti bash ministiri nikola sturgéonning sturgéonning musteqilliq mesilisini elrayigha sunush teklipi deslepki basquchini tamamlidi.
türkiye awazi radiyosi xewiri: shotlandiye rayonluq hökümiti bash ministiri nikola sturgéonning engliyedin ayrilip chiqish üchün ikkinchi bir musteqilliq omumiy xelq bélet tashlash paaliyiti ötküzüshke alaqidar teklipi parlaméntning qollishigha érishti.
nikola sturgéon rehberlikidiki shotlandiye milliy partiyesi parlamént ezaliri yéshillar partiyesining qollishi sayisida kéreklik köp sanliq awazni qolgha keltürüp, sturgéonning yéngi omumiy xelq bélet tashlash paaliyiti ötküzüsh üchün en parlaméntigha resmiy iltimas sunush hoquqigha ige bolghan boldi.
sturgéon, yawropa ittipaqidin ayrilmasliq üchün, birleshme xanliqtin ayrilip chiqmaqchi bolghanliqlirini otturigha qoyup kelmekte hetta, engliyedin ayrilip chiqish üchün ikkinchi bir musteqilliq omumiy xelq bélet tashlash paaliyiti ötküzüsh boyiche uchrishish ötküzüshni dawamlashturmaqta idi.
musteqilliq nishan qilinghan omumiy xelq bélet tashlash paaliyitining 2018 – yilini küz ayliri bilen 2019 – yilining bahar ayliri arisida ötküzülüshi pilanlanmaqta.
22 – martta ötküzülüshi pilanlanghan bélet tashlash paaliyiti bolsa, londondiki hujum yüzisidin kéchiktürülgenidi.
shotlandiyediki birinchi qétimliq musteqilliq omumiy xelq bélet tashlash paaliyitide merkiziy hökümetning «birleshme xanliqtin ayrilip chiqish yawropa ittipaqidinmu ayrilip chiqish dégenlik bolidu» dégen sözlirining tesiri astida xelqning %55 i birleshme xanliqta qélishni qollap bélet tashlighanidi.
engliye, shotlandiye, gallér we shimaliy érlandiyedin terkib tapqan birleshme xanliqta ötken yili ötküzülgen yawropa ittipaqidin ayrilip chiqish omumiy xelq bélet tashlash paaliyitide xelqning %52 i ayrilishni qollap bélet tashlighanidi.
bu jeryanda, engliye bash weziri térésa mey, yawropa ittipaqigha eza ellerning ittipaq ezaliqidin chiqip kétishige alaqidar lisbon kélishimining 50 – maddisining ijra qilinishi dairiside biryussélgha yollinidighan resmiy höjjetni imzalidi.
mektup yawropa ittipaqi komitéti bashliqi donald tuskqa yetküzülgendin kéyin bashlinidighan engliyening yawropa ittipaqidin ayrilip chiqish musapisining ikki yil ichide axirlishishi mölcherlenmekte.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.
