purset tapsila türkiyege qarshi térrorni qollap kéliwatqan shiwéytsariye bu qétim heyran qaldurdi

türkiye awazi radiyosi xewiri:  zhurnal jumhur reis erdoghanning resimini muqawisigha chüshürüp, «erdoghan üchün adalet» dep téma qoydi.

zhurnalning fénéral mejliste parlamént ezasi bolghan muherriri we bash yazghuchisi rogér köppél türkiyege keng orun ajritilghan bir maqale yazdi.

u, «diqqet, bu maqalem türklerge bolghan xata qarashlargha xatime bérish meqsitide yézildi» serlewhilik maqaliside, erdoghangha ijabiy qarash teklipini sundi.

türkiyening térrorluq teshkilatlirining qorshawi astida turuwatqanliqini ilgiri sürgen köppél, maqalisini jumhur reis erdoghaning türkiye xelqining démokratik qollishigha ishinidighanliqini tekitlep mundaq dawamlashturdi: «etrapi térrorluq teshkilatliri teripidin qorshalghan türkiyege bolghan hörmitim chongqur. gherb elliridiki erdoghandin nepretlinidighanlar türkiyede arqimuarqa yüz bériwatqan térrorluq hujumlirini untup qaldimu qandaq? fethullahchi térrorluq teshkilati unsurlirining 15 – iyul herbiy isyan urunushi jeryanida yüzlerche kishi wetinini qoghdash yolida hayatidin ayrilmidimu?»

ottura sherq döletliride démokratiyege asaslinidighan hakimiyet tüzülmisining yoqluqini misallar arqiliq otturigha qoyghan köppél, shunga hakimiyet tüzülmisige ige küchlük türkiyening gherb elliri üchünmu paydiliq ikenlikini tekitlep mundaq dédi: «türkiye we erdoghangha qarita pozitsiyemiz ochuq bolushi lazim, gumaniy qarashlardin qutulup, yaxshi niyet bilen muamile qilishimiz kérek. zamaniwi türkiyeni 1923 – yili lozanda tunji étirap qilghan döletler biri bolush süpiti bilen shiwéytsariye ewzel orunda turmaqta.»

igilinishiche, 1933 – yildin buyan  némis we firansuz tilida chiqiwatqan zhurnalning her hepte 51 ming nusxisi sétilidiken.