humustin yüzlerche musapir tarqaqlashturuldi
süriyede hakimiyet küchlirining muhasirisi astidiki humusning merkizige jaylashqan waer nahiyesidin tarqaqlashturulghan 1354 puqra jerablustiki chédir sheherge yétip keldi.
türkiye awazi radiyosi xewiri: tünügün chüshte waer nahiyesidin qozghilip bügün etigen helebning bab nahiyesige yétip kelgen 32 aptobus, u yerdin jerablusqa ketti.
türkiye jumhuriyiti bash ministirliq mehkimisi apet we jiddiy ehwallarni bir terep qilish bashqarmisi teripidin jerablusqa qarashliq amerne yézisida tikilgen chédirlargha orunlashturulghan puqralarning deslepki qedemdiki asasliq éhtiyajliri qamdaldi.
bash ministirliq mehkimisi apet we jiddiy ehwallarni bir terep qilish bashqarmisining ghaziantep wilayetlik shöbisi mudiri sinan atakan anadolu agéntliqi muxbirigha bayanat bérip, 12 ming métir jaygha 306 aile üchün 230 chédir tikkenliklirini bildürdi.
bashqa puqralarning kélip qélish éhtimalliqini nezerde tutup, bir bir yerge yene 100 chédir tikkenliklirini eskertken atakan sözini dawamlashturup, «kelgen aililerge alaqidar pütkül teyyarliqlirimizni tamamliduq we chédirlirimizni tiktuq. chédirlirimizgha kariwat we yotqan – körpilerni qoyduq. her bir ailige birdin ashxana we bir yürüshtin taziliq buyumliri berduq. bular bilen birlikte her xil eshyalarmu tarqitip bérildi. yene, sehiye xadimlirimiz balilarning waksinilirini urmaqta. késel we yaridarlar doxturxanilargha yollandi» dégenlerni qeyt qildi.
