« S-400tipliq bashqurulidighan bomba mesiliside rusiye bilen söhbet ötküzüwatimiz»
dölet mudapie ministiri fikri ishiq S-400tipliq bashqurulidighan bomba mesiliside rusiye bilen söhbet ötküzülüwatqanliqlirini, emma téxiche imza basquchigha qedem qoymighanliqlirini éytti.
türkiye awazi radiyosi xewiri: ishiq anadolu agéntliqining ziyaritini qobul qilghanda bergen bayanatida, S-400tipliq yiraq musapiliq bashqurulidighan hawa mudapiesi sistémilirini sétiwélish toghruluq ötküzülüwatqan muzakirilerning dawamlishiwatqanliqini tekitlep mundaq dédi: «muzakirilerde ilgirilesh hasil qilduq, emma téxiche kélishim imzalash basquchigha qedem qoymiduq, bu heqte dawamliq söhbet élip bériwatimiz.»
krémil sariyi bayanatchisi dmitri péskow bügün élan qilghan bayanatida, «rusiye pirézidénti putin bilen jumhur reis erdoghan S-400tipliq bashqurulidighan bomba mesiliside birdeklik hasil qildi» dédi.
yéqinda moskwada ziyarette bolghan jumhur reis erdoghanning rusiye pirézidénti putin bilen élip barghan uchrishishida küntertipke kelgen mesililerdin birining S-400tipliq hawa mudapiesi sistémiliri ikenliki bildürülgenidi.
