wéngriye köchmenlerni qobul qilmaydu
wéngriye dölet ishliri ministiri janos lazar gherbiy yawropa döletliri wéngriyege qayuturuwetmekchi bolghan 30 ming köchmenni qobul qilmaydighanliqlirini éytti.
türkiye awazi radiyosi xewiri: lazar bir yighinda köchmenler kirizisi toghruluq toxtalghanda, bolupmu bahar we yaz aylirida köchmenlerning köpiyip kétidighanliqini, wéngriye arqiliq gherbiy yawropa ellirige ötken köchmenlerning tekrar wéngriyege qayturuwétilmekchi bolghanliqini tekitlep mundaq dédi: «shiwétsiye we gérmaniyeni öz ichige alghan gherbiy yawropa elliri 2015 – yili wéngriye arqiliq yawropa döletlirige ketken texminen 30 ming köchmenni tekrar wéngriyege qayturuwétishni pilanlawatidu. bu aldimizdiki aylarda köchmenler sanining éship kétishige seweb bolidu. bu insanlar yawropa ittipaqigha deslepte wéngriye arqiliq emes, eksiche girétsiye arqiliq kirgen. shunga wéngriye hökümiti bu insanlarni qobul qilmasliq üchün imkaniyetning bariche tirishchanliq körsitidu.»
ministir lazar wéngriye hökümitining wéngriye – sérbiye chégrasida sim tosuq berpa qilish qarari alghanliqini eskertken halda yene mundaq dédi: «wéngriye hökümiti yawropagha hemishe chégralarni sim tosuqlar bilen, qanuniy qedemlerni tashlash bilen we adem küchi bilen qoghdashni tewsiye qilidu. wéngriye chégrasida bir künde 10 ming saqchi we esker wezipe ötigen künlermu boldi.»
