türkiye pakistanda yüz bergen térrorluq hujumini eyiblidi

türkiye awazi radiyosi xewiri: tashqi ishlar ministirliqi teripidin bu heqte élan qilinghan yazma bayanatta, türkiyening lahordiki térrorluq hujumidin qattiq epsuslinidighanliqi tekitlinip mundaq déyildi: «hujumni qattiq eyibleymiz, dost we qérindash dölet pakistan xelqi we hökümiti bilen dawamliq hemkarliq asasida heriket qilimiz.»

bayanatta, bash ministir yildirim bilen pakistan bash ministiri naawaz shérif riyasetchilikide tünügün paytext enqerede chaqirilghan 5 – nöwetlik türkiye – pakistan istiratégiyelik aliy hemkarliq kéngishi yighinida qobul qilinghan ortaq bayannamidimu tekitlenginidek, ikki döletning térrorizmgha qarshi küreshlirining qetiy irade bilen dawamlashturidighanliqi, bu heqte hemkarliqni yenimu kücheytidighanliqi bildürüldi.

türkiye xelqining pakistan xelqining qayghu – hesretliri we derd – elemlirini chin dilidin ortaqlishidighanliqi eskertilgen bayanatta, hujumda hayatidin ayrilghanlargha allah taaladin rehmet, yéqin – yoruqlirigha teziye, yarilanghanlargha shipaliq tilendi.

tünügün lahorning awat rayonidiki bir réstoranda meydangha kelgen we «générator partlishi» teriqiside uqturulghan weqede 8 kishi ölgen, 21 kishi yarilanghanidi.