shimaliy koréye pirézidénti ögey akisini zeherlik gaz bilen öltürdi
shimaliy koréye pirézidénti kim jungunning ögey akisi kim jungnamni nérwa zeherlik gazi bilen öltürgenliki éniqlap chiqildi.
türkiye awazi radiyosi xewiri: malayshiya jamat xewpsizliki idarisining bashliqi xalid ebubekri bu heqte élan qilghan bayanatida, ximiyelik qorallar analiz merkizide dawamlishiwatqan tetqiqatlar netijiside kim jungnamning ölümige seweb bolghan ximiyelik maddining VX - nérwa jasusi dep bilinidighan öltürüsh tesiri küchlük nérwa zeherlik gazi ikenlikini éytti.
öltürülgüchining közliride we yüzide nérwa zeherlik gazini öz ichige alghan maddilarning tépilghanliqini eskertken ebubekri, bu gazning 1997 – we 2005 – yilliri qobul qilinghan ximiyelik qorallar ehdinamiliride VX tipliq qoral - yaragh türige kiridighanliqini tekitlidi.
kim jungunning ögey akisi kim jungnam 13 – féwral küni kualalumpurdiki xelqara ayrodurumda hujumgha uchrap hayatidin ayrilghaniidi.
weqedin kéyin hindonéziye, wéytnam, malayshiya we shimaliy koréye puqrasi 4 kishi qolgha élinghanidi. malayshiya jamat xewpsizliki idarisi jinayetning pilanlighuchiliridin ikenliki ilgiri sürülgen 4 kishining jakarta – dubey – wladiwostok arqiliq piyongyanggha ötkenlikini, xelqara saqchi teshkilatining bu kishilerning izigha chüshkenliki jakarlanghanidi.
jamat xewpsizliki tarmaqliri charshenbe küni élan qilghan bayanatida, weqeni tekshürüsh jeryanida shimaliy koréyening malayshiya bash elchixanisida wezipe ötewatqan ikkinchi katip bilen shimaliy koréye hawa yolliri shirkitide ishleydighan bir kishini soraq qlish telipining shimaliy koréye bash elchixanisigha yetküzülgenlikini bildürgenidi.
