daniyening daéshchi puqralirigha pénsiyonérliq maashi bergenliki otturigha chiqti

türkiye awazi radiyosi xewiri: daniye hökümitining daésh térrorluq teshkilati sépige qétilghan puqralirining bezilirige ishsizliq we emgek qilish iqtidaridin mehrum qalghuchilar pénsyonérliq maashlirinimu 4 yildin buyan bérip kéliwatqanliqi otturigha chiqti.

daéshqa qarshi xelqara birleshmini qollap kéliwatqan daniye hökümiti, térrorluq teshkilatigha qétilghan puqralirini yéterlik derijide közetmeydu؛ 2012 – yilidin buyan 145 daniyelikning daésh seplirige qétilghanliqi, bularning 29 ining dölet teripidin bérilidighan ishsizliq shundaqla emgek qilish iqtidaridin mehrum qalghuchilar pénsiyonérliq maashlirini élishni dawamlashturghanliqi éniqlandi.

daniye emgek ministiri troéls lund pulsén, ötken yili daniye taratqulirida orun alghan «daéshqa qétilghan daniyelikler ishsizliq maashi alidu» dégen mezmundiki xewerlerni jezmleshtürüp, «daniyening bayashat dölet siyasetliri üchün ajritilghan fondining suriye we yaki bashqa ellerde démokratiyege orek kolash üchün ishlitilishi éghir setchilik» dédi.

bash ministir lars lokké rasmussén, térrorchilargha bu xil pullarning bérilmesliki üchün, qanuniy boshluqlarni tolduridighan bir belgilime teyyarlanghanliqini uqturdi.

daéshqa qétilghan daniyeliklerning alghan jemiy maashlirining 85 ming yawro (330 ming türkiye lirasigha teng) gha yetkenliki texmin qilinmaqta.