fethullah gülenning qayturup bérilish éhtimalining barliqi bildürüldi

türkiye awazi radiyosi xewiri: amérika qoshma ishtatliri pirézidénti donald trampning yawropa ittipaqi elchisi namzati téd malloch, fethullahchi térrorluq teshkilati kattibéshi fethullah gülenning türkiyege qayturup bérilish éhtimalining barliqini éytti.

piroféssor téd malloch türkiyediki melum bir xususiy téléwiziye qanilining ziyaritini qobul qilip, fethullahchi térrorluq teshkilati kattibéshi fethullah gülenning qayturup bérilish mesilisi toghruluq toxtilip mundaq dédi: «bultur 15-iyulda yüz bergen weqeler yeni herbiy-siyasiy özgirish qozghashqa urunush qilmishi toghruluq toluq melumatlargha igimiz. amérika tekshürüshler axirlashqandin kéyin fethullah gülenni némishqa qayturup bermisun. obaha hakimiyiti dewride tégishlik qedemler tashlanmidi, bu teshkilatning kilinton weqpisi bilen alaqesi barliqi bildürülmekte. biraq donald tramp hakimiyiti dewride fethullah gülenning qayturup bérilish éhtimali bar,dep qaraymen. herbiy-siyasiy özgirish qozghashqa urunush qilmishining keynide bolghan bir kishi zéminimizda yashimaqta. türkiye nato ezasi bolup, bizning istiratégiyelik ittipdaqdéshimizdur. türkiye donald tramp hakimiyitidin fethullah gülenning qayturup bérilishini qayta telep qilishi lazim.»

malloch  tramp bilen erdoghanning chiqiship öteleydighanliqlirini alahide eskertip ötkendin kéyin, erdoghan toghruluq munularni dédi: «ikki rehber otturisida muhim mesililerning kéngesh qilinghanliqi bildürüldi. aldimizdiki aylarda ular uchrishishi mumkin, ikki shexs otturisida iqtidar we xaraktér jehettin oxshashliq bar.»