kanada parlaméntigha «islamofobiya teklip layihesi» sunuldi
kanada parlaménti «islamofobiya we irqchiliqqa qarshi teklip layihesi» ni bes – munazire qilmaqta....
türkiye awazi radiyosi xewiri: libéral partiye parlamént ezasi iqra xalid teripidin teyyarlanghan teklip layihesi, «islamofobiya, her türlük sistémiliq irqchiliq we diniy ayrimichiliqning eyiblinishi» ni mezmun qilidu.
teklip layihesini medeniyet ministiri mélanié joly bilen birlikte muxbirlarni kütüwélish yighini ötküzüp metbuat mensuplirigha chüshendürgen iqra xalid, «bu bir qanun emes, teklip layihesidur. bu teklip layihesi kanadada sistémiliq irqchiliq we diniy ayrimichiliq dégendek saqliniwatqan muhim mesililerni hel qilish yolida qilinishi kérek bolghan ishlarni mezmun qilidu. bu shundaqla kanadaliqlar arisida diyalog ornitish chaqiriqidur» dédi.
joly bolsa, bu teklip layihesini libéral partiyening pütkül parlamént ezalirining qollap – quwwetleydighanliqini ipadilidi.
yéngi démokratiye partiyesi bashliqi tom mulkeyrmu, partiyesining layiheni qollaydighanliqini uqturdi.
parlamént ezasi iqra xalidning teklip layihesige qarshi chiqqan konsérwatip partiye bolsa, bu layihege qarshi yéngi bir layihe sunushqa teyyarlanmaqta....
