ispaniyede tosalghulargha qarimastin, kataloniyening musteqilliq saylimi ötküzülmechi
kataloniye aptonom hökümiti, ispaniye dölet asasiy qanun mehkimisining qararigha pésent qilmastin, musteqilliq saylimini ötküzüwéridighanliqini élan qildi.
türkiye awazi radiyosi xewiri: ispaniyede kataloniyening musteqilliqini xelqning rayigha sunush mesliside kirizis yüz berdi.
kataloniye aptonom hökümitining bu yil katalonyaning musteqilliqini xelqning rayigha sunush qararini ispaniye dölet asasiy qanun mehkimisi emeldin qaldurdi. emeldin qaldurush qarari, mehkime ezalirining birdek qollap awaz bérishi bilen maqullandi.
kataloniye aptonom hökümiti bolsa, ispaniye dölet asasiy qanun mehkimisining qararigha pésent qilmastin musteqilliq saylimini ötküzüwéridighanliqini élan qildi.
kataloniye aptonom hökümiti bayanatchisi nus munte: «dölet asasiy qanun mehkimisining emeldin qaldurush qarari, katalonya aptonom hökümitining 2017 – yili musteqilliqini xelqning rayigha qoyush arzusini qetiy özgertelmeydu. herqandaq mehkime bir xelqning musteqilliqini rayigha qoyush herikitini tosup qalidighan yaki özgertidighan héchqandaq qararni bérelmeydu» dédi.
kataloniye aptonom hökümiti dölet asasiy qanun mehkimisining meni qilishigha qarimastin, 2014–yili 9 - noyabirdimu «qattnishish basquchi» dégen nam bilen musteqilliq terepdari omumiy xelq bélet tashlash paaliyiti ötküzgen idi.
saylamgha qatnashquchilarning nisbiti %37 we héchqandaq qanuniy inawetke ige bolmighan shu qétimqi saylamda, musteqilliqni qollap bélet tashlighanlarning nisbiti %80 bolghan idi.
