rusiye gérmaniyediki saylamgha arilashmaqchimu?

türkiye awazi radiyosi xewiri: gérmaniye istixbarat idarisining mushu yil (2017) ichide ötküzülidighan parlamént saylimidin burun rusiye teripidin tarqitilidighan yalghan xewerler heqqide tekshürüsh bashlighanliqi bildürüldi.

gérmaniyede chiqidighan zéytung gézitining bir xewiride körsitilishiche, gérmaniye istixbarat organliri hazirghiche hökümetke qarshi éniq delillerni tapalmighan bolsimu, «xeter yoq» dep bayanat élan qilmighan.

gézitning xewiride déyilishiche, rusiye gérmaniyege qarshi düshmenlerche muamile qilghan we bu mesilide putin terepdari taratqularning qollishigha érishken.

zéytung géziti, shimaliy gérmaniye radiyosi (NDR), gherbiy gérmaniye radiyosi (WDR), gérmaniye fédératsiye istixbarat idarisi (BND) we asasiy qanun qoghdash teshkilati (BfV) bir yildin buyan dawamlishiwatqan tekshürüshlerning netijisini élan qilghan.

tekshürüsh doklatida, rusiyening 2014-yildin buyan gérmaniyege qarshi «urushxumar» pozitsiye tutup kelgenliki, rusiye taratquliri we ularning némis tilidiki qolchumaqchiliri bolghan «Sputnik News», «Russia Today» qatarliq taratqularning «düshmenlerche» pozitsiye namayan qilghanliqi qeyt qilindi.

doklatta, bu taratqu mesullirining biwaste krémildiki hakimiyetke, ochuqini éytqanda, putingha yéqin kishiler ikenliki ilgiri sürüldi.