trampning musulmanlargha wiza cheklimisi yolgha qoyushi küchlük naraziliq peyda qilmaqta
amérikining pirézidénti donald trampning musulmanlargha wiza cheklimisi yolgha qoyushi küchlük naraziliq peyda qilmaqta.
türkiye awazi radiyosi xewiri: amérika qoshma ishtatliri pirézidénti donald trampning jüme küni qararname imzalap nopusining köp qismi musulman bolghan döletlerge wiza cheklmisi qoyushigha bildürülgen naraziliqlar dawamlashmaqta.
aqsaray aldigha yighilghan minglarche kishi, donald trapning süriye, iraq, iran, liwiye, yemen, sudan we somalidin kelgenlerge 90kün tamozhna éghizlirini taqiwétishigha naraziliq bildürüshti.
köp qismini amérikiliq musulmanlar teshkil qilghan, biraq bashqa dinlargha tewe amérikliqlarmu qollighan namayishta «hemmimiz köchmenmiz» we « bu jay bizning öyimiz»dégenge oxshash shoarlar towlandi.
amérikining «erkinlikler we köchmenler döliti»ikenliki tekitlengen namayishta, amérikining her qaysi ishtatliridin kelgen minglarche adem, donald trampqa naraziliq bildürüshti.
aqsaray aldiki namayishlardin kéyin minglarche adem amérika mejlisigiche méngip bu jaydimu namayishlirini dawamlashturdi.
ikki kündin buyan amérikining oxshimighan sheherliride donald trampqa qarshi ötküzüliwatqan namayishlar we köchmen siyasetliri toghruluq Twitter adrésidin uchur tarqatqan donald tramp, yolgha qoyghan siyasetlirini yaqlidi.
«dölitimizning küchlük chégralargha we bixeterlik tedbirlirige éhtiyaji bar. pütkül yawropa miqiyasi we dunyada yüz bergenlerge nezer sélinglar, bu hadisiler pajielerdin ibaret»dégen donald tramp, burunqi bayanatliridimu amérikini daésh térrorluq teshkilati tehditidin muhapizet qilish üchün küchlük wiza belgilimisi yolgha qoyidighanliqini bildürgenidi.
