xitayda yémek - ichmek shermendichiliki

türkiye awazi radiyosi xewiri: xitayning tienjin shehiride az dégendimu 50 zawut üstide, ataqliq markiliq mehsulatlarning saxtisini ishlepchiqirish bilen eyiblinip, teptish bashlandi.

xitay kommunist partiyesining resmiy gézitliridin birsi bolghan «yershari waqit géziti»ning xewiride, tienjin sheherlik hökümiti teripidin bashlanghan tekshürüshte, bezi zawutlar, yerlik we xelqaraliq shirketlerning tétitqu maddilarning saxtisini ishlep chiqirish arqiliq 1 milyard yuen (yeni 145 milyon dollar) nep alghanliqi éniqlap chiqildi.

tekshürüshte az dégendimu 50 zawutning tienjinning dulu yézisida tétitqu maddilar we sirkilernimu öz ichige alghan 11 türlük saxta yémek – ichmek maddisi ishlepchiqarghanliqi ashkarilandi. bu saxte mehsulatlarda xitayning yémek - ichmekni tekshürüsh organlirining testiqini almighan we rak késilini keltürüp chiqiridighan sanaet tuzi ishlitilgenliki éniqlandi.

bu mehsulatlarda yene, bashqa zawutlar ishlepchiqarghan yémek – ichmeklerning tashlanduqliri we suniy tétiqular arilashturulghanliqimu bayqaldi.

xewerde yémek – ichmek maddilirini ataqliq markilarni ishlitip bazargha salghan zawutlarning mezkur markilarning qutusi, yéziqi, mehsulat kodlirinimu oxshash shekilde shilepchiqirip ishletkenliki bildürüldi.

xitay yémek – ichmek we dora tekshürüsh idarisi bu heqte élip bériwatqan tekshürüshlerning dawamlishiwatqanliqini, netijisining xelq ammisigha élan qilinidighanliqini jakarlidi.

xitayda 2008 – yilida qutuluq bulmaqlardin zeherlinip 4 buwaq hayatidin ayrilghan idi we 50 mingdin artuq buwaq késel bolghan idi.