malayshiyada kelkün apiti yüz bérip nurghun adem tarqaqlashturuldi
malayshiyaning sherqiy shimalida kelkün apiti yüz bérip 19ming ademning tarqaqlashturulghanliqi bildürüldi.
644141
türkiye awazi radiyosi xewiri: malayshiyada shiddetlik höl-yéghin keltürüp chiqarghan kelkün apiti sewebidin, 19ming kishi tarqaqlashturuldi.
alaqidar mesullar, malayshiyaning sherqiy shimalida meydangha kelgen muson yamghurliri sewebidin 19 ming kishining tarqaqlashturulghanliqini bildürdi.
muson yamghurliri yaghqan téréngganu we kélantan rayonlirida kelkün sewebidin hazirghiche ölüm hadisisining körülmigenlikini bildürüshken alaqidar mesullar, mekteplerde oqushning waqitliq toxtitip qoyulghanliqini uqturdi.
malayshiyada 2014-yilning axirida kelkün apiti meydangha kélip 250mingdin artuq kishi tarqaqlashturulghanidi.
tropik belwaghqa jaylashqan malayshiyada her yili yamghur peslide pat-pat kelkün apetliri körülidu.
