rus diplomatlar amérikidin ayrildi
amérika qoshma ishtatliri teripidin chégradin chiqip kétishi telep qilinghan 35 rus diplomat aile tawabiatliri bilen birlikte mexsus ayropilan bilen washingtondin ayrildi.
türkiye awazi radiyosi xewiri: rusiye pirézidénti wiladimir putin amérikigha qandaq inkas qayturidighanliqliri toghruluq yéngi pirézidént donald tramp wezipe tapshuruwalghangha qeder qarar béridighanliqlirini jakarlighanidi.
rusiyeni amérika saylamlirigha tor hujumliri arqiliq mudaxile qilish bilen eyibligen barak obama hökümiti amérikidiki rusiyege ait 2 muessesenimu taqighanidi.
tramp aq saray bayanatchiliqigha teyinligen shan spaysér rusiyege qarshi mötidil siyaset yürgüzülmigenlikini éytti hemde ilgirimu xitay xaykérlirining amérikidiki barliq dölet organlirida ishleydighan xadimlarning kimlik uchurlirini oghrilighan bolsimu, emma washingtonning béyjingdin intiqam almighanliqini xatiriletti.
trampmu hilari kilintonni öz ichige alghan démokrat partiye ezalirining élxet adréslirining qolgha kilgüzülüshide rusiyening roli bar – yoqluqigha qarita guman bilen qaraydighanliqlirini éytqan, bu heqtiki bezi melumatlarni seyshenbe yaki charshenbe küni élan qilidighanliqlirini uqturghanidi.
20 – yanwar küni wezipe tapshuruwalidighan donald trampning aq saray bayanatchisi obama hökümitini mötidil bolmasliq bilen eyiblidi.
