kolombiyede chüshüp ketken ayropilanning sewebi éniqlandi
boliwiye dölet mudapie ministiri reymi férréra ayropilanning chüshüp kétish weqesige «jinayet» dep baha berdi.
türkiye awazi radiyosi xewiri: kolombiyede 29 – noyabirda chüshüp ketken yoluchi ayropilanining yerge qonushtin ilgiri yiqilghusi tügep ketkenliki éniqlap chiqildi. ayropilanning qara qutusini tekshürüsh xizmetliri axirlashti.
xelq awéatsiye agétliqi élan qilghan bayanatta, béraziliyening 1 – derijilik putbol komandiliridin «Chapecoense» komandisini élip mangghan ayropilanning qara qutusi we bashqa delil – pakitlarni tekshürüsh netijiside, yerge qunushtin ilgiri ayropilan yiqilghusi tügep kétish sewebidin chüshüp ketkenliki bildürüldi.
bayanatta deslepki bayqashlarda téxnikiliq xata we buzghunchiliq éhtimalidin bekrek insaniy xataliq yüz bérish éhtimali yuqiri ikenliki uqturuldi.
boliwiyening santa de la shérra shehiridin béraziliyening 1 – derijilik putbol komandiliridin «Chapecoense» komandisini élip, kolombiyening médéllin shehirige kétiwatqan, jemiy 77 kishi olturghan ayropilan 29 – noyabir küni médéllin shehiri etrapidiki taghliq rayongha chüshüp ketken we 71 kishi hayatidin ayrilghan idi.
hawada 4 saet 20 ménut uchqan ayropilanning médéllin ayrodorumigha qonush ruxsiti kütiwatqan peytte yéqilghusi éqip kétiwatqanliqidin guman qilinghan bashqa bir ayropilangha qonush ruxsiti bérilip, boliwéye ayropilanining saqlashqa mejburmbüghanliqi qeyt qilindi.
boliwiye dölet mudapie ministiri reymi férréra ayropilanning chüshüp kétish weqesige «jinayet» dep baha berdi. ayropilanda bir tereptin yene bir terepke yetküdekla yéqilghu bolidighanliqini, ayropilanning qonushigha ruxset qilmay saqlitishning xelqara xelq awéatsiye qaide – tüzümlirige pütünley xilap ikenlikini éytti.
