süriyelik 210 yaridar puqra türkiyege keltürüldi
süriyede beshshar esed hökümiti we hökümetni qollaydighan chet ellik térrorist guruppilarning qorshawi astidiki helebning sherqidin chiqirilghanlar arisidiki 210 yaridar türkiyening xatay wilayitige keltürüldi.
637120
türkiye awazi radiyosi xewiri: bash ministirliq mehkimisi axbarat wasitiliri we uchur ishliri bash idarisining bildürüshiche, helebning gherbide berpa qilinghan bixeter rayongha chiqirilghandin kéyin idlibqa élip bérilghan yaridarlardin ehwali éghir bolghanlar türkiyege keltürülüwatqan bolup, heleb ahalisini bixeter jaylargha orunlashturush basquchi bashlanghandin buyan jilwegözü chégra éghizida toxtitip qoyulghan qutquzush mashiniliri arqiliq doxturxanilargha orunlashturulghan yaridarlarning sani 210 gha, türkiyege keltürülgen yaridar balilarning sani 88 ge yetken. yaridarlardin 88 i xatayning sirtigha ewetilgen, dawamlash ishliri tamamlanghan 31 i doxturxanidin chiqqan, yaridarlardin 21 i dawalash ünüm bermey, hayatidin ayrilghan.
