bir tibetlik rahip özige ot qoyup bérish arqiliq xitaygha naraziliq bildürdi
xitayda mushu bir yil ichidila hökümetke naraziliq bildürüsh üchün özige ot qoyup bergen tibetlik rahiplarning sani 146 ge yetti.
türkiye awazi radiyosi xewiri: türkiyening nopuzluq téléwziye qanalliridin «NTV» ning tarqatqan xewiride, xitayda tibetlik buddist bir rahipning xitay hökümitige naraziliq bildürüsh üchün özige ot qoyup bergenliki bildürüldi.
xewerde munular qeyt qilindi:
«erkin asiya radiyosi» we merkizi ishxanisi engliyede turushluq «tibetke erkinlik» namliq ammiwiy teshkilat teripidin élan qilinghan bayanatta, kimliki namelum bir rahipning tibetlikler zich olturaqlashqan gensu ölkisining machu kentide chong yolgha chiqip, özige ot qoyup bergenliki qeyt qilindi.
xitay saqchiliri qisghine waqit ichide weqe yüz bergen jaydin rahipni élip ketti. lékin rahipning ehwali heqqide mulumat bermidi. hökümet mesullirimu weqe heqqidiki soallargha jawap bergili unimidi.
kishilik hoquqni közitish teshkilatlirigha bérilgen melumatlargha köre, mushu bir yil ichide xitay hökümitige naraziliq bildürüsh üchün özige ot qoyup bergen rahiplarning sani 146 ge yetken bolup, bulardin 125 rahip hayatidin ayrilghan.
tibette 1959 – yili xitay hökümitige qarshi kötürülgen qozghilang basturulghandin kéyin dalay lama tibetni tashlap chiqip kétishke mejbur bolghan we hindistanning shimalida sürgündiki tibet hökümitini qurghan idi.
xitay hökümiti tibetning 700 yildin béri xitaygha tewe zémin ikenlikini ilgiri sürse, tibetlikler özlirining xitaygha tewe emes, eslidinla mesteqil dölet ikenlikini ilgiri sürüp kelmekte.
xitay hökümiti dalaylamaning tibet üchün yüksek aptonomiye telipini, «bu mexpiy musteqilliq telipi» dégen bahane bilen ret qilip kelmekte.
