kubaliqlarning rehbiri fidél kastroni yerlikke qoyush paaliyetliri dawamlashmaqta
döletning her qaysi jaylirida aylandurulghan kastroning külliri, jinaza murasimi ötküzülidighan santiyago shehirige yétip keldi.
türkiye awazi radiyosi xewiri: santiyagoliqlar, fidél kastroning jinaza yötkesh qisimlirini qarshi élish üchün meydanlargha seldek aqti؛ minglarche kubaliq bayraqlarni kötürüshken halda, «köp yashighin fidél» dep shoar towlap, epsaniwi rehbirini kütüwaldi.
santiyago؛ fidél kastro we kubaliq inqilabchilarning buningdin 60 yilche muqeddem diktator batistani aghdurup tashlighan inqilabtin kéyinkighelibe sepiri bashlanghan sheher bolghanliqi üchün, muhim hésablinidu.
kastroning jesiti wapatidin kéyin alahide murasim ötküzülüp köydürülgendin kéyin dölette aylandurulushqa bashlighanidi. kastroning külliri santiyagoda ötküzülidighan dölet murasimidin kéyin yerlikke qoyulidu. jinaza murasimigha chet döletlerdin köp sanda yuqiri derijilik wekil ishtirak qilidu.
kuba inqilabining rehbiri, sabiq pirézidént fidél kastro 25 – noyabirda paytext hawanada 90 yéshida alemdin ötti. salametlik ehwalini nezerde tutup, 2008 – yili wezipisini qérindishi raul kastrogha ötküzüp bergen fidél kastro, axirqi qétim 13 – awghustta 90 yashqa kirgenlikini tebriklesh paaliyiti munasiwiti bilen xelqke körüngenidi.
