fidel kastiro wapat boldi
xelqara xewer agéntliqliri uning wapatini «qizziq xewer» süpitide élan qildi.
türkiye awazi radiyosi xewiri: kubaning ataqiliq rehbiri fidel kastiro 90 yéshida hayatidin ayrildi.
fidel kastironing ölgenlik xewiri kuba dölet téléwiziyeside élan qilindi.
xelqara xewer agéntliqlirimu uning wapatini «qizziq xewer» süpitide élan qildi.
kuba inqilabining rehbiri fidel kastiro 2006 – yili 31 – iyulda késellik sewebidin hoquqini muawin pirézidénti shundaqla ukisi raol kastirogha ötküzüp bergen idi.
2008 – yilida bolsa, 1976 – yilidin buyan rehberlik qilip kéliwatqan kubaning eng yuqiri dorijilik orgini «dölet kéngishi»ning bashliqliq wezipisidin istépa bergen idi. shundaqtimu kastiro xizmetni tashlimay küntertipki mesililer heqqide maqale yézishni dawamlashturdi.
fidel kastiro eng axiriqi qétim 13 – awghustta 90 yashqa kirgen küni xelq ammisining aldigha chiqqan idi.
fidel kastiro wezipisidin ayrilghanliqigha qarimay, bezide kobagha ziyaretke kelgen yuqiri derijilik dölet rehberliri bilen paytext hawanadiki turalghusida uchrishish élip baratti.
