shotlandiyede ayal saqchilarning yaghliq chégishige ruxset qilindi
shotlandiyede musulman saqchi ayallarning béshigha yaghliq chégishige ruxset qilinghanliqi toghrisidiki qarar resmiy élan qilindi.
türkiye awazi radiyosi xewiri: shotlandiye hökümiti musulman ayal saqchilar sanini köpeytish üchün saqchi formisi süpitide yaghliq chégishke ruxset qildi.
shotlandiye saqchi idarisining mudiri fil gormli: «men bu qararni uqturghanliqimdin nahayiti xushalmen, musulmanlarni jemiyetning her qatlamlirida, yeni saqchi idariliridimu körüsh üchün yardimini kütimiz» dédi.
shotlandiye musulman saqchilar jemiyiti (SPMA) mezkur qararni shotlandiye jemiyiti we bu dölette yashawatqan musulmanlar otturisida alaqe ornitilishigha paydiliq, dep qarap qizghin qarshi aldi.
shotlandiye musulman saqchilar jemiyitining bayanatida: «qararni toghra yüzlinishke qarap chiqirilghan ijabiy qarar dep oylaymiz. döletning bu mesilide ijabiy we yéngiliq yaritidighan qedemlerni tashlighanliqidin xushalmiz» déyildi.
