«xeyrat yardem jemiyiti» jerablus xelqige yardem qildi
jemiyet mesuli rayonda hawa soghushqa bashlighanliqini alahide tekitlep, «xelqning yémek – ichmekke bolghan éhtiyaji ashmaqta» dédi.
türkiye awazi radiyosi xewiri: süriyening shimalini térrorluq unsurliridin tazilash üchün 24 – awghustta türkiyening rehberlikide bashlanghan firat qalqini herikiti dairiside, térrorluq teshkilati daéshtin qutquzuwélinghan jerablusqa «xeyrat yardem jemiyiti» yémek – ichmek yardimi qildi.
«xeyrat yardem jemiyiti»ning süriyediki wekili muhemmed ubeyd köshger anadolu agéntliqi muxbirigha bergen bayanatida jerablus xelqining yénida bolushni dawamlashturidighanliqini éytti.
rayonda hawa soghushqa bashlighanliqini alahide tekitlep, «xelqning yémek – ichmekke bolghan éhtiyaji ashmaqta. shunglashqa uzuqluq we qishliq kéyim- kéchek tarqitish xizmetlirimizning süritini tizlashturduq. 500 kishilik yémek – ichmek boyumliri qachilanghan yéshiklerni rayongha yetküzduq we éhtiyajliq kishilerge tarqitp berduq» dédi.
muhemmed ubeyd köshger, rayonda yashawatqan aililerning qéyinchiliqlirini hel qilish üchün qolidin kélishiche xizmet qilishni dawamlashturidighanliqini éytti.
