haytida 900 gha yéqin ademning jénigha zamin bolghan quyun amérikighimu zerbe berdi
yéqinqi yillarning eng éghir tebiiy apiti hésablinidighan métyu quyuni amérika qoshma ishtatlirigha zerbe berdi.
![haytida 900 gha yéqin ademning jénigha zamin bolghan quyun amérikighimu zerbe berdi](http://cdn.trt.net.tr/images/xlarge/rectangle/a139/ba3c/5331/57f9cbf66e2d4.jpg?time=1719116668)
türkiye awazi radiyosi xewiri: haytigha éghir talapet yetküzüp 900 gha yéqin ademning jénigha zamin bolghan métyu quyuni, amérikidimu 10 ademning jénigha zamin boldi. filorida we jorjiya ishtatlirida küchini körsetken quyun, jenubiy karolinagha yétip bardi؛ rayonda del – derexler qomurulup chüshti, öy – makanlar gümürüldi.... bezi jaylarda yollar tosulup qaldi, su bésish weqeliri yüz berdi. bu qétimqi apet yüzisidin kem dégendimu bir yérim milyon kishi toksiz qaldi.
yirtquch quyun, depmu atilidighan métyuning nahayet süriti astilidi؛ amérikiliq alaqidar emeldarlar, quyunning saetlik süritining 135 kilométirning astigha chüshkenlikini uqturdi.
haytida saette 230 kilométirliq süret bilen ilgiriligen quyun yüzisidin 900 gha yéqin adem hayatidin ayrildi, minglarche öy – makan ziyangha uchridi. b d t, 11 milyonluq hayti nopusining yérimining bu qétimqi quyunning ziyinigha uchrighanliqini élan qildi.
karib elliride 350 mingdin artuq adem jiddiy yardemge mohtaj halette turmaqta. bir yérim milyongha yéqin adem bixeter jaylargha tarqaqlashturulghan kubadimu, toxtawsiz yéghiwatqan höl – yéghin tagh siyrilish weqelirini peyda qilmaqta.