birleshken döletler teshkilati jiddiy yighin chaqirish qarari aldi

türkiye awazi radiyosi xewiri: birleshken döletler teshkilati teripidin bu heqte élan qilinghan bayanatta, yighinning bügün enqere waqti saet 17 de axbarat wasitilirigha yépiq halette chaqirilidighanliqi bildürüldi.

yighin chaqirish telipiing rusiyedin kelgenliki, misturaning birleshken döletler teshkilati xewpsizlik kéngishi ezaliringha téléwiziyelik téléfon arqiliq melumat béridighanliqi eskertildi.

bu heqtiki qarar birleshken döletler teshkilatining süriye alahide wekili staffan dé misturaning «heleb yil axirighiche xeritidin öchüp kétidu. buni siler, biz we pütkül dunya yéngi yil bayrimini tebrikleshke teyyarliniwatqan bir peytte köridu» teriqisidiki agahlandurushidin kéyin élindi.

mistura «süriye hökümiti we rusiye helebke dawamliq hujum qilghan teqdirde, helebning shimaliy rayonliri ikki ay ichide tamamen xarab bolidu. ölgenler térroristlar emes, puqralar bolidu» teriqiside agahlandurush bergen, süriye hökümiti bilen rusiyening texminen 900 kishilik ennusre teshkilatini yoqitimen dep helebning shimalida 110 mingi balilardin teshkil tapqan 275 ming puqragha hujum qilishini tenqid qilghanidi.

rusiyening birleshken döletler teshkilatida turushluq daimiy wekili we birleshken döletler teshkilati xewpsizlik kéngishining bashliqi witaliy churkin misturaning tenqidlirige munasiwetlik soalni jawabsiz qaldurghanidi.