amérikida riqabet dawam qilmaqta... kilintonmu trampmu?
amérika qoshma ishtatlirida aldimizdiki ayda ötküzülidighan pirézidéntliq saylimi riqabiti süret bilen dawam qilmaqta.
türkiye awazi radiyosi xewiri: ötken hepte ötküzülgen deslepki qétimliq pirézidént namzatliri téléwiziye neq meydan munazirisidin kéyin élip bérilghan elrayini sinashta, démokrat partiyening pirézidént namzati hilari kilinton jumhuriyetchi partiye pirézidént namzati donald trampning 5 nomur aldigha ötüp ketkenidi.
CNN qanili bilen ORC elrayini sinash shirkiti hemkarliship élip barghan elrayini sinashta kilinton %47, tramp %42 awazgha érishti. mezkur elrayi siniqida yene pirézidéntliq riqabitige ishtirak qiliwatqan erkinlikchi partiyening pirézidént namzati gari jonson %7, yéshil partiyening pirézidént namzati jil stéin bolsa %2 awazgha érishti.
mezkur elrayi netijisining ötken hepte ötküzülüp kilintonning <üstünlüki> bilen axirlashqan deslepki qétimliq pirézidéntliq munazirisining sabiq birinchi xanim kilintongha paydiliq bolghanliqini körsitip béridighanliqi qarishi otturigha qoyulmaqta.
pirézidéntliq riqabitining aldinqi qataridiki ikki namzatining ikkinchi qétimliq téléwiziye neq meydan munazirisi 19 – öktebirde ötküzülidu.
