xitayning 1 perzentlik bolush siyasiti 400 milyondin artuq bowaqning dunyagha kélishige tosalghu boldi
xitayning 40 yildin köprek waqittin buyan ijra qilip kéliwatqan siyasitini özgertishike mejbur bolushida, xitay nopusning jinsiyet tengpungsizliqi we emgek küchining aziyip kétishi qatarliq 2 nuqtiliq seweb barliqi bildürüldi.
türkiye awazi radiyosi xewiri: xitayning bir perzentlik bolush siyasiti axirlishish aldida turidu.
xitay hökümiti yash bir juplarni ikki perzentlik bolushqa righbetlendürüshning yollirini izdep, yashanghanlardin meslihet soridi.
hakimiyet béshidiki xitay kommunistik partiyesi 1970 – yili öktebir éyida ijra qilishqa bashlighan bir perzentlik bolush siyasitini 2 perntlik bolushqa özgertidighanliqini élan qilghan we bu qararning 1- dékabirdin bashlap resmiy ijra qilinidighanliqini uqturush qilghan idi.
xitayning 40 yildin köprek waqittin buyan ijra qilip kéliwatqan bu siyasitini özgertishike mejbur bolushida 2 nuqtiliq seweb barliqi, birsi xitay nopusning jinsiyet tengpungsizliqigha mubtila bolghanliqi we yene biri emgek küchining aziyip kétishi ikenliki bildürülmekte.
xitay nopusining téz süret bilen yashinip kétishi seewbidinmu mutexessiler bu qararning intayin kéchikken qarar bolghanliqini tekitlidi.
döletlik pilanliq tughut komitéti, aldimizdiki 5 yil ichide xitayda aldinqi mezgillerge sélshturghanda bowaq tughulush nisbitining her yili texminen 3 milyon ashidighanliqini mölcherlimekte. bu arqiliq 2050 – yilighiche xitaydiki emgek küchi sanini 30 milon ashurush pilanlanmaqta.
buningdin bashqa yene, xitay istatistika idarisi, toy qilish üchün qiz tapalmaydighan xitay yashliri sanining 2020 – yilighiche 40 milyon ashidighanliqini texmin qilmaqta.
xitayda 2 – perzentlik bolghanlargha éghir jazalar bérilidighan tughut cheklesh siyasiti tüpeyli jemiy 400 milyondin artuq bowaqning tughulushining tosup qilinghanliqi bildürülmekte.
