amérika bilen gérmaniye türkiyening teklipini qollidi
türkiyening üch yildin buyan tekitlep kéliwatqan süriyede «uchush cheklengen rayon tesis qilish» teklipini amérika qoshma ishtatliridin kéyin gérmaniyemu qollidi.
türkiye awazi radiyosi xewiri: gérmaniye tashqi ishlar ministiri frénk waltér shtanymayér, süriyede waqitliq uchush cheklengen rayon élan qilish teklipini otturigha qoydi؛ nyu yorkta chaqirilghan b d t yighinlirigha ishtirak qiliwatqan gérmaniye ministir söz qilip, «süriyede turaqsizliq dawam qilmaqta. urush toxtitishning utuqluq bolushining birdinbir yoli ,süriyening mueyyen muddet boyiche pütkül herbiy ayropilanlar üchün küchke ige shekilde uchush cheklengen rayon élan qilinishidur. bu muddet az bolghanda üch, téximu yaxshisi yette kün bolushi kérek» dédi.
shtanymayér, bundaq bolghanda b d t ning süriyediki puqralargha yardem yollash imkaniyitige qaytidin ige bolalaydighanliqini tekitlidi.
bu mesilining nyu yorkta chaqirilidighan süriyeni qollighuchilar guruppisining yighinida etrapliq muzakire qilinishi kütülmekte.
