girétsiyede kommunistlar hökümetke qarshi namayish ötküzdi
girétsiyening paytexti afénada kommunist partiyesining chaqiriqigha binaen hökümetke qarshi namayish ötküzüldi.
türkiye awazi radiyosi xewiri: girétsiyede hökümet teripidin maliye kirzisige taqabil turush dairiside yolgha qoyulghan maliye tedbir pilanlirigha qarshi naraziliq namayishi ötküzüldi.
girétsiye kommunist partiyesige qarashliq panxélénk küresh firontining chaqiriqigha binaen, paytext afénaning omoniya meydanigha yilghan texminen 5000 namayishchi, shoarlar towliship parlamént jaylashqan sintagma meydanigha qarap yürüsh qildi.
meydanda bayanat bergen girétsye kommunist partiyesi bash sékritari dimitris kuchumbas mundaq dédi: «chipras yolgha qoyuwatqan tedbir we siyasetler xelqige ziyan bérip kelmekte, xelqning berdashliq béreleydighan küchi qalmidi.»
texminen 2 saet dawamlashqan namayish esnasida sheher merkizidiki gholluq kochilar qatnashqa tosuwétildi. girétsiye hökümiti bu yilning deslepki yérimida qutquzush layiheliri dairiside pinsiye maashlirini azaytish we bajni östürüsh qatarliqlarnimu öz ichige alidighan nurghun maliye tedbirlirini parlaméntta maqullighanidi.
ikkinchi qétimliq közdin kechürüsh basquchi dairiside kirdét alghuchilar telep qilghan emgek qanunlirinimu öz ichige alidighan yéngi tedbirler xelqning naraziliqigha seweb bolmaqta.
