jerablus shehirining puqraliri yurtlirigha qaytishni bashlidi
süriyediki ichki urushtin qéchip ötken yili türkiyede panahlanghan 250 kishilik tünji puqralar guruppisi karkamish chégra éghizidin yürtlirigha qaytti.
türkiye awazi radiyosi xewiri: türkiye 24 – awghustta süriyening jerablus shehirini «firat qalqini herikiti» arqiliq térrorluq teshkilati daéshtin qutqazghandin kéyin sheher puqraliri uzun yillardin buyan ayrilishqa mejbur qalghan yurtlirigha qaytishni bashlidi.
süriyediki ichki urushtin qéchip ötken yili türkiyede panahlanghan 250 kishilik tünji puqralar guruppisi 2014 – yili 17 - dékabirdin buyan taqiwétilgen emma bügün échilghan karkamish chégra éghizidin yürtlirigha qaytti.
gurup ichidiki türkiyede tughulghan buwaqlarmu tünji qétim öz yürtlirini köridighan boldi.
karkamishta insanperwrelik yardem heyiti bashliqi süpitide wezipe ötewatqan ghaziantep muawin waliysi nursal chakiroghlu, cherablusning eng qisqa waqit ichide su we tok bilen teminlinidighanliqini éytti.
u mundaq dédi:
«sheherning her türlük asasiy qurulushlirini eslige keltürüshni dawamlashturmaqtimiz. deslepki qedemde jiddiy bir shekilde insanperwrelik yardem boyumliridin tartip, qurulush eslihelirigiche kéreklik boyumlar jerablusqa yetküzülidu. jerablusni tok bilen teminlesh üchün teyyarliqlirimiz dawamlashmaqta. jerablus eng qisqa waqit ichide tok we sugha ige bolidu. jerablustiki xizmetlirimizmu téz süret bilen dawamlashmaqta. pat yéqinda jerablusta chédir doxturxanimizmu paaliyetni bashlaydu»
