firat qalqini herbiy herikitide deslepki nishan emelge ashti
firat qalqini herbiy herikiti dairiside, süriyening jerablus rayoni etrapining térrorluq teshkilatliridin tazilanghanliqi qeyt qilindi.
türkiye awazi radiyosi xewiri: firat qalqini herbiy herikitide deslepki nishan emelge ashti, jerablus rayoni we etrapi térrorluq teshkilatliridin tazilandi. ikkinchi qedemde, gaziantep chégrasi boyiche jerablusning gherbiy we jenubiy qisimliridiki yéza-bazarlar térrorluq teshkilatliridin tazilinidu. erkin süriye armiyesi jerablusta xatirjemlikni emelge ashurush üchün yéngi heriket bashlashqa teyyarlandi.
rayonda «t r t xeber» qanili muxbirining tekshürüshlirige asaslanghanda, hazir jerablusta xelq xatirjem kocha aylinalaydiken. nurghunlighan kishiler üchün éytqanda, kochilarda xatirjem aylinish héchnime emes bolsimu, jerablusluqlar üchün ghayet zor xushalliqlardin biri hésablinidu.
erkin süriye armiyesi jerablusqa puqralarning qaytishi bilen, térrorluqqa qarshi küreshte yéngi basquchni bashlash aldida. sheherning jenubiy we gherbidiki térrorluq merkezlirini tazilash, erkin süriye armiyesining jerablustin kéyinki nishani hésablinidu. jerablusning jenubiy qismini qisqa waqit ichide kontrolluq astigha élish pilan qiliniwatqan bolup, türkiye armiyesi erkin süriye armiyesining bu herbiy herikitige yardem qilidu.
jerablusta axirqi basquchta mina tazilinidu.