jéfréy: türklerge bergen wedingizde turmisingiz, asanla pushayman qilip qalisiz
amérika qoshma ishtatlirining enqerede turushluq sabiq bash elchisi jéymés jéfréy, amérikining PKK térrorluq teshkilatining gumashtisi PYD ning firat deryasining gherbige ötmeydighanliqi toghrisida türkiyege bergen wediside turmighanliqini eskertti.
türkiye awazi radiyosi xewiri: jéymés jéfréy engliye b b s radiyosining bir söhbet pirogrammisigha qatniship , türkiye armiyesi alahide heriket qisimliri bilen birleshme hawa armiye qisimlirining térror xewpige qarshi süriyening türkiye chégrasidiki jerablus rayonida élip barghan ‹firat qalqini herikiti› ge munasiwetlik soallargha jawab berdi.
daésh térrorluq teshkilatining hem amérika hem türkiye üchün xewp ikenlikini bildürgen jéfréy, köp sanliq ahalisi ereblerdin teshkil tapqan rayonlarni qolgha kirgüzürüshke tirishiwatqan térrorluq teshkilati PKK ning süriye qoli PYD ning türkiye üchün «keskin xewp» ikenlikini tekitlidi.
obama hökümitining jeng meydanida daéshqa qarshi urush qiliwatqanliqi üchün PYD ni qollighanliqini, emma, bu térrorluq teshkilatining birdinbir nishanining daésh emeslikini, uning shimalda bir nopuz hasil qilishni pilanlawatqanliqini bildürgen jéfréy, «türkler hem daésh hem bu xewpke qarshi urush qilmaqta we amérikimu héchbolmighanda resmiy shekilde buni qollaydighanliqini éytti» dégen ibarilerni ishletti.
jéfréy, «muawin pirézidént jo baydin enqerede türkiyege nahayiti roshen qilip, ‹ PYD ning firat deryasining sherqide qalidighanliqi, gherbidiki zéminlarni qolgha kirgüzüshke tirishmaydighanliqi› toghrisida wede berdi. türkler buni qobul qilidu, lékin ular (PYD) sherqqe chékinmidi» dédi.
jéymés jéfréy amérikining bergen wediside turmighanliqini ilgiri sürgen halda, «méning 35 yilliq tejribem, eger türklerge bergen wedingizde turmisingiz, nahayiti téz pushayman qilip qalisiz» dégenlerni sözlirige ilawe qildi.
مۇناسىۋەتلىك خەۋەرلەر
silowéniyemu pelestinni étirap qildi
silowéniye hökümiti pelestin dölitini étirap qilish toghruluq qarar chiqardi.
