tunista milliy birlik hökümiti muweppiqiyetlik qurup chiqildi

milliy birlik hökümitini qurushqa teyinlengen yerlik hökümetler bashliqi yosof shahid kartaja sariyidiki axbarat yighinida, 26 ministirdin teshkil tapqan yéngi hökümet tézimlikini élan qildi. 
yosof shahid ichki ishlar, dölet mudapie we tashqi ishlar ministirlirining özgermigenlikini jakarlidi. hökümet qurush muzakirliride barliq sayasiy pirqiler we organlarning orun alghanliqini éytti.  
yéngi hökümette 6 neper ayal ezadin bashqa yene 35 yashtin kichik 5 ministirningmu barliqi diqqetni tartti. 
yéngi hökümette qatnash, sayahet, tashqi ishlar we maarip ministirliqlirigha nida tunis partiyesidin ministirlar teyinlendi. sanaet, soda, xizmetke orunlashturush we kespiy xadim terbiyelesh, uchur – alaqe, téxnika ishliri ministirliqilirigha bolsa, nehda partiyesidin ministirlar teyinlendi. sehiye we tereqqiyat ishliri ministirliqilirigha afaq tunis partiyesidin ministirlar teyinlendi. 
tunista pirézidént el baji qaid es sibsi  2 - iyunda milliy birlik hökümiti qurush kérekliki heqqide alahide chaqiriqta bolghan idi. shuningdin kéyin yéngi hökümetni qurup chiqish muzakiliri saq 2 ay dawamlashti. arqidin 30 - iyulda hakimiyet béshidiki hebib es siyd hökümitige bolghan parlaméntning ishench awazi chékindürülgendin kéyin, yéngi hökümet qurush xizmiti ikkinchi basquchigha qedem qoyghan idi.