somalida zenjirsiman aptomobil bomba hujumi yüz berdi

türkiye awazi radiyosi xewiri: somalining ottura qismigha jaylashqan mudug rayonidiki sheherlik hökümet binasining aldida arqa - arqidin ikki aptomobil bomba hujumi yüz bérip, 11 adem hayatidin ayrildi.

xewpsizlik tarmaqliridin igilengen uchurlargha qarighanda, ikki aptomobil bomba bilen élip bérilghan mudug rayoni galkayo nahiyesi puntland sheherlik hökümet merkizige qilinghan qosh hujumda köp sanliqi puqra bolup 11 adem hayatidin ayrildi, nurghun adem yarilandi. ölgenlerning köp sanliqining adem bomba hujumchisi heydigen bir aptomobil bombining sheherlik hökümet binasining aldida partlitilishidin kéyin, weqe yüz bergen jaygha toplanghan xelqning yénigha yéqinlashqan ikkinchi aptomobil bombining partlitilishi netijiside meydangha kelgenliki qeyt qilindi.

hujumning jawabkarliqini hazirghiche héchqandaq terep üstige almidi, hökümet emeldarlirimu weqe toghrisida resmiy bayanat bermidi.