yaponiye impératori textini boshitidighanliqini jakarlidi
yaponiye impératori akixito téléwizor arqiliq xelqqe xitap qilip, özining texttin ayrilishni xalaydighanliqini we bundaq qilishtiki seweblirini jamaetchilik bilen ortaqlashti.
türkiye awazi radiyosi xewiri: yaponiye impératori akixito texttin ayrilishni xalaydighanliqini élan qildi.
bu yil 82 yashqa kirgen yaponiye impératori akixito téléwizor arqiliq xelqqe xitab qilip, yéshi we nacharlishiwatqan salametlik ehwalining wezipisini dawamlashturushqa yar bermeydighanliqini, shunga texttin ayrilishni xalaydighanliqini bildürdi.
igilinishiche, yaponiyening mewjut qanun – nizamliri impératorning wezipisidin istipa bérishige alaqidar mezmunlarni öz ichige almaydighan bolup, akixitoning texttin ayrilishi üchün qanun chiqirishqa toghra kélidiken.
yaponiye bash ministiri shinzo abé, impératorning texttin ayrilish arzusigha hökümetning estayidil muamile qilidighanliqini éytti.
akixito ayrilghan teqdirde, textke text warisi oghli 56 yashliq naruxitoning olturushi kütülmekte.
yaponiye axirqi qétim 1817 – yili impérator koukaku öz istikige asasen texttin ayrilghanidi.
akixito 1989 – yili 7 – yanwarda atisi impérator xiroxito wapat bolup ketkendin kéyin, 55 yéshida textke olturghanidi.
مۇناسىۋەتلىك خەۋەرلەر
liwan hizbullahi: isirailiye pushayman qilidu
liwan hizbullahi isirailiye hujum qilsa «pushayman» qilidighanliqi toghrisida agahlandurdi.