fetih qushuni helebte ilgirlesh hasil qildi

türkiye awazi radiyosi xewiri: süriyening heleb shehiridiki fetih qushuni (jeyshulfetih) ning muhasirini bösüsh meqsitide bashlighan herikiti jeryanida yüz bergen toqunushlarda esed hakimiyitining 25 eskiri öldi.

fetih qushuni «heleb muhasirini bösüsh» namliq herikiti jeryanida shirfe yézisi bilen elmehruqta töpilikining kontrolluqini esed küchliridin tartiwaldi. öktichiler yene, esed küchliri baza qilip ishlitiwatqan sheherning jenubidiki zembirekchiler mektipige yéqin yerdiki tonglatqu zawutinimu qolgha kirgüzdi. jenubtiki toqunushlarda öktichiler bir tanka bilen aptomat orunlashturulghan bir aptomobilni pachaqlap tashlidi.

fetih qushuni tünügün helebning jenubida heriket élip bérip, 1 yéza, 4 töpilik, 3 tanka we bir bashqurulidighan bomba qisimlirining kontrolluqini qolgha kirgüzgen, sheherning jenubidiki toqunushlarda esedning 56 eskirini öltürgen, 2 tanka, bir qurulush mashinisi we aptomatik qorallar orunlashturulghan 16 aptomobilni pachaqlap tashlighanidi.

esed qisimliri ötken ay sheherning shimalidiki öktichilerning birdinbir chiqish nuqtisi bolghan kastillo yolining kontrolluqini qoligha kirgüzüwalghandin kéyin, öktichilerning bashqurushidiki rayonlar muhasire astigha kirip qalghanidi.

yene bir tereptin, süriye armiyesining bir herbiy tik uchar ayropilani idlibning seraqib bazirigha ‹xlor gazi› arilashturulghan waril bombisi atti؛ hujumda 10 adem zeherlik gazning ziyinigha uchridi. körüsh xireliki, qusush we nepes qisilish dégendek ehwallar körülgen mezkur kishiler sehra doxturxanilirida balnistqa élindi.