misirda ensar beyt el-maqdis teshkilatining 46 ezasi öldi
misir armiyesi ensar beyt el-maqdis teshkilatigha tewe bir qoral-yaragh iskilatini bombardiman qildi.
türkiye awazi radiyosi xewiri: misir armiyesining refah shehiridiki qoral-yaragh iskilatini nishan qilghan hujumida 46 adem öldi.
refah shehirining gherbide térrorchilargha tewe qoral-yaragh iskilatliri F-16 tipliq ayropilanlar we Apache tik ucharliri teripidin bombardiman qilindi.
hawa hujumlirida ölgenler ichide qoral-yaragh iskilatining muhapizetchiliridin sirt ensar beyt el-maqdis namliq teshkilatning gholluq kattiwashliridin sami shueyib bilen muhemmed zeyjanningmu barliqi bildürüldi.
ensar beyt el-maqdis teshkilati éghir ziyangha uchridi. biraq mezkur teshkilat teripidin bu heqte héchqandaq bayanat bérilmidi.
misir armiyesi bilen saqchi idarisi 2013-yili séntebirdin buyan sina qatarliq nurghun wilaytte «térrorchi we bölgünchi»dep atilidighan barliq küchlerni «xewpsizlik xadimlirini nishan qilghan hujumlarni qozghash» bilen eyiblep herbiy-heriket élip barmaqta.
