süriyede sham fetih aldinqi sépi quruldi
süriyediki öktichi guruppilarning biri bolghan «elnusra aldinqi sépi», namini «sham fetih aldinqi sépi» ge özgertti.
türkiye awazi radiyosi xewiri: elnusra aldinqi sépining rehbiri ebumuhemmed julani «el qaide teshkilati» din ayrilip, nusra aldinqi sépini emeldin qaldurghanliqlirini, uning ornigha yéngidin qurulghan we héchqandaq chet el teshkilatliri bilen chétishliqi bolmighan «sham fetih aldinqi sépi» nami astida küreshlirini dawamlashturidighanliqlirini bildürdi. u xelqaraliq jemiyetning süriyeliklerning üstidiki bésimlarni azaytish, bolupmu amérika bilen rusiyening süriye xelqini bombardiman qilishta paydiliniwatqan bahanilerni tügitish üchün «el qaide» din ayrilghanliqlirini uqturdi.
aqsarayning bu heqte élan qilghan bayanatida mundaq déyildi:
«elnusra aldinqi sépige bolghan qarishimizni özgertidighangha héchqandaq sewebimiz yoq. biz ularning idéologiyesige, nishanigha we qilghan ishigha asasen sotlaymiz. ismi néme bolushidin qetiynezer, bu teshkillinish amérika bilen yawropa üchün endishe peyda qilishni dawam qilidu.»
